Pagluluksa ni Carmina Villarroel bilang Barbara sa 'Widows' Web,' trending!

Isang emosyonal na episode ang napanood kagabi (April 26) sa Widows' Web dahil sa pagluluksa ni Barbara Sagrado-Dee (Carmina Villarroel) matapos bawian ng buhay ang kanyang nag-iisang anak na si Jed (Anjay Anson) sa ospital.

Mabilis na naging trending topic sa Twitter Philippines ang naturang episode na mayroong hashtag na #WWMothersGrief.

PHOTO COURTESY: Twitter

Bukod sa pagluluksa ni Barbara, nasaksihan din ang pagiging emosyonal nina Elaine (Pauline Mendoza) at Gloria Querubin (Tanya Gomez) dahil makakalaya na si Frank (EA Guzman) mula sa pagkakakulong nito.

Samantala, inamin ni Vladimir (Adrian Alandy) kay Jackie (Ashley Ortega) na siya ang bumaril kay Xander (Ryan Eigenmann). Ipinaliwanag din ni Vladimir na kung hindi niya binaril si AS3, siya ang papatayin nito.

Ano kaya ang buong kuwento tungkol dito?

Ayon naman sa NUTAM People Ratings, nakakuha ng 10.4 percent combined ratings ang nakaraang episode, mas mataas sa katapat nitong palabas na mayroong 7.5 percent lamang.

Huwag palampasin ang huling tatlong gabi ng Widows' Web, Lunes hanggang Biyernes, 8:50 p.m., sa GMA Telebabad.

Samantala, silipin ang lock-in taping ng Widows' Web sa gallery na ito.